dinsdag 28 september 2021 | WEEK 39 |
HomeAlle-RegiobodeFoi, Foi: Roddelen

Foi, Foi: Roddelen

Ut is bekend dat veural vrouwen as ze bie mekare bint aardig wat weet te vertellen oaver anderen. Dat geet veural zo in de darpen, want doar wördt alles verteld wat d’r is gebeurd maar ok wat d’r(denk ze) geet gebeuren. D’r is altied trammelant.
Mo’j is heuren wat mien pas elejen nog is verteld oaver un groep vrouwen in een van de buurtdarpen… In sommige buurten is het nog de olde gewoonte om kroamvisite te hollen. Ze nuump dit ok wel kroamschudden. Maak niet uut hoe ut enuump wördt, ut is gezellig veur de vrouwluu. In de buurte van Marie was pas elejen un kleinen geboren. De buurte maak zich druk met un wiege, un ooievaar en nog meer spektakel in de tuin. Ja, dat doet ze tegenwoordig wel meer. Ut is gezellig en met mekare ku’j dat zo versieren. Ut was un jongetje. Tegenwoordig mot dat allemoal van die aparte namen wèzen. Soms heel olderwets met Jan of Kees maar meestal un naam die op zien engels wördt uut esproaken. Dit keer heten ut jongetje Kay.
Maar d’r mos natuurlijk ok un oavondje kommen woarbie alle buurvrouwen wörden uuteneudigd. Keerls mochten niet meekommen. Zo was dat nu de gewoonte en ut jonge echtpaar hiel zich doar ok an.
D’r wörden un doatum uut ekoazen dat alle vrouwen konden kommen. De vrouwen verheugen zich doar arg op, want ut is op zo’n kroamvisite altijd arg gezellig en ie heurt nog is wat. Iedereen bracht wat mee veur de baby. Ut kind kon wel drie keer daags wat anders an kriegen. Un hele stapel kwam d’r binnen. De jonge moeder was d’r arg blie mee.
De jonge olders hadden ok al krentestoete ekregen. In veul buurten is ut de gewoonte zo’n groot krentenbrood, van ongeveer een meter, te geven, ok wel kroambrood enuump. De oavond begon dus met koffie (of thee) met kroambrood met roombotter d’r op. Sjonge, sjonge, wat wörden d’r veul eproat. De een wist nog meer nieuwtjes as de ander.Vake geet dat oaver ziekten want in iedere familie is d’r wel wat an de hand. Marie had de oren goed lös want zee was arg tuk op nieuwtjes. Niet alleen um te weten maar ok um deur te vertellen. Foi, foi, wat gebeuren d’r toch veul. Maar ut viel Marie wel op dat ut veural nieuwtjes waren woarmee de buurvrouwen zaten te pochen. Volgens heur kloppen dat niet allemoal. Ut is niet altied Hosanna…
Marie was getrouwd met Jan die niet mee mocht. Hee zat thuus maar te wachen. Ut wörden maar later en later. Hee snappen d’r niks van. Eindelijk, ut was al knap late, doar kwam Marie anzetten met un rooie kop. Jan mopperen: “Marie weurumme bi’j toch zo late. Ik zag d’r al veul noar huus goan. Weurumme mos ie as laatsen goan?”.
Marie had doar un kloar antwoord op. Ze zei: “Nou Jan, ik marken dat d’r veul nieuwtjes mooi en lilluk wörden verteld over buurvrouwen die krek weggingen. Heel spannend allemoal um dat te heuren. Wat doar allemaail verteld is, dat kan ie hoas niet geleuven!!”.
Jan zei d’r maar niks meer op. Hee kennen zien Marie die toch altied ut laat woord wol hebben en ging eindelijk noa berre..

Goed goan,
Martien, de Platschriever uut Loenen

Niks hoef d’r op un onvriendelijke manier ezeg wörden

spot_img
Verder lezen

LAAT EEN REACTIE ACHTER

Please enter your comment!
Please enter your name here

Deze website gebruikt Akismet om spam te verminderen. Bekijk hoe je reactie-gegevens worden verwerkt.

Meest gelezen

Brandweer Doesburg neemt afscheid van Rudi Polman

DOESBURG - Tijdens de oefenavond heeft brandweer Doesburg na 27 afscheid genomen van brandweerman Rudi Polman. Na een ludieke oefening werden hij en zijn...

Brandweer redt cavia uit speeltoestel in Velp

VELP - Vrijdagmiddag 17 september rukte de brandweer in Velp uit naar Nieuwstraat voor een dier in nood. Ter plaatste bleek het te gaan...

Kunst (uit) Dieren in Dorpshuis Rheden

RHEDEN - Drie deelnemers van Kunst bij de Buren in de wijk Dieren Noord-Oost maken nu een uitstapje naar Rheden. Joke Gabriël, Gea Wissels...

Quirijn Waaijenberg met nationale selectie naar EK crosstriathlon

DIEREN - Quirijn Waaijenberg uit Dieren neemt zondag 26 september met de nationale selectie deel aan de Europese Kampioenschappen Crosstriathlon. De wedstrijd vindt plaats...
- Advertisment -